البلان لي تايوقع فهاد الحالة بحال داك خونا لي مشا بغا يكري غرفة فالهوطيل سول بشحال قالو 3000 درهم قالو علاش ؟؟ قالو حين تراها طل على البحر قالو غا كريها ليا او و الله ما نفتح الشرجم او نشوف البحر، ألوغ كيفاش تقنع درية بلي راك مقود فريك او متصلحش تكون بحال خوها ؟ بعيدا على ليزوطيل واش فراسك بلي أغلبية البنات تايبغيو يتصاحبوا ولا يتزوجو بشي واحد يكون بحال خوهم فالتصرفات ؟ فوالا او هادو غا جوج من بزااف. علاش البنت كاتبغي واحد بحال خوها ؟ فالبدية ديالي تا أنا كان تايبان ليا نهز معايا سيف لي قالتليا راك بحال خويا نشلخ ل دين مها وجهها ماكنتش فاهم القالب كيفاش ألوغ باش طيح هاد النوع را خاصك تكون متأكد من جوج حوايج تقد هاديك الدرية مربية مزيان، راسها خاوي من جهة التصاحيب او داك الحزاق اولا تقد تكون دازت من شي علاقة او قلبها دمر –عبارة مكلمنة شوية و لكن ماكاينش باش نعوضها- اولا يمكن دارت ليك هكاك باش تكفحك (عارف كري قلت جوج صدقت ف3) ما عالينا ألوغ كيفاش ؟ هادو كاملات ماخاصكش تبين ليهم بلي الغرض ديالك هو .. هو ... هو ... طل من الشرجم على البحر. علاياش غادي تعتامد فكٌاع هاد الحالات ؟ ـ الحالة 1 : عندك ديك لي مربية مزيان كاتكون باغا شي واحد بحال تامر حسني -السيد العاطفي- مسكين ما باغي هو لا يحوي لا يبزل باغي غير يغني نتا ماتقدش تكون تامر حسني ياك ؟ تانا مانقدش ولكن أنا غاعطيتك مثال الوغ اشنو المعمول ؟ هادي غا حاول ماتخرجش ليها كلمة كاتعجبيني او كانبغيك من فمك حينت غادي تعرض لأقود قمعة فالعالم العربي كتر كٌاع من ديال خونا لي رفع دعوة بجينيفر لوبيز، ها اشنو غادير المعلم: ـ بداية التعارف : لقيتيها فالمدرسة : أهلا قولي ليا عندك هاد المنهجية اولا أي سؤال متعلق بالقراية أكرر أي سؤال متعلق بالقراية ماشي سلام عندك فايسبوك ؟ ايلا كانت بنت الدرب أهلا ختي أكرر ختي أكرر ختي كيدايرة صافا ؟ قولي ليا ماعرفتيش شي واحد تايبيع التعبئة ديال باين مساج او هانتا ضمنتي جوج دقايق ديال الهدرة بحكم باين راها دارت فاييت او التعبئة ديالها ماكايناش. او شي وحدة بنت العائلة هادي خاصك تبين ليها الصراط المستقيم داك الدري لي ماعندوش معا التصاحيب بخلاصة. ـ الحالة 2 : حتا هادي تامر حسني و لكن نتا راك ماشي تامر حسني غادي تلعب على أساس أنك تانتا مجروح او فايت ليك بغيتي درية من قلبك ، المهم مع الوقت يعني من بعد تاخد الفايسبوك ديالها خسر عليها دوك الاسئلة الحامضين ديال فين شاداها اشنو تاديري او حاول حاول ماتجبدش ليها الغرام حتا تبان ليك ولات مزعوطة كيفاش غاتعرفها واش مزعوطة ؟ غادي تسول فيك شي نهار لا غبرتي. ـالحالة 3 : هادي حتا نتا غادي دير بحالا مابغيتي منها والو ولكن غادي تمسكن حتا تمكن ولكن كيفاش غاتعرف درية دايراك بحال خوها بلا ماتقولها ليك ؟ حيت ايلا قالتها ليك غانصارف او حيدها من البلانات ديالك ساهلة كل درية او كيفاش المهم هاد البلان را باين بلا مانهدر عليه.
la séduction à la marocaine | la séduction à la marocaine |